Persónuverndarstefna

Læsir snjallforritið er stýrt af Skólalausnum ehf, og fer að öllu eftir lögum um persónuvernd. Þessi stefna útskýrir hvernig við söfnum, vinnum og verndum persónuupplýsingar notenda. Persónuverndar okkar fylgir lögum nr. 90/2018 um persónuvernd og almennu persónuverndarreglugerðinni (GDPR).

Skóli/skólayfirvöld er ábyrgðaraðili fyrir vinnslu persónuupplýsinga í Læsi. Skólalausnir ehf eru vinnsluaðili. Vinnsluaðili ábyrgist að hann muni gæta fyllsta trúnaðar varðandi þær persónuupplýsingar sem hann fær aðgang að og/eða vitneskju um vegna þjónustu sinnar við ábyrgðaraðila

Til þess að Læsir geti þjónað tilgangi sínum er nauðsynlegt að vinna með ákveðnar persónuupplýsingar:

Nafn nemanda: Nauðsynlegt til að auðkenna barnið innan kerfisins og greina á milli systkina. Ekki er krafist fulls nafns; forráðamaður getur skráð gælunafn ef hann kýs.

Kennitala nemanda (aðeins við upphafsskráningu): Eingöngu notuð til að tryggja að sama barn sé ekki skráð oftar en einu sinni. Kennitalan er ekki notuð í lesanlegu formi heldur umbreytt í dulkóðað auðkenni sem kerfið notar áfram til að tryggja einkvæmni.

Netföng foreldra/forráðamanna: Notuð til að búa til aðgang að kerfinu.

Lestrarupplýsingar: Skráning á mínútufjölda lestrar, fjölda lesinna skipta, og hvaða bækur eru lesnar.

Tæknilegar upplýsingar: T.d. IP-tölur, vafrar og tæki sem eru notuð.

Vinnsla fer fram til að:

Halda utan um lestrarframvindu: Skrá upplýsingar um hversu oft nemendur lesa og hvaða bækur þeir lesa.

Samskipti við foreldra: Til að veita þeim upplýsingar um framvindu nemenda.

Vinnsla persónuupplýsinga byggir á:

Samþykki forráðamanna.

Hagsmunum nemenda: Til að bæta lestrarfærni og mæla árangur.

Við tryggjum öryggi persónuupplýsinga með eftirfarandi aðferðum:

Dulkóðun: Öll samskipti eru dulkóðuð með HTTPS og gögnin dulkóðuð með AES-256.

Dulkóðun á kennitölu: Til að tryggja að sama barn sé ekki tvískráð í kerfið biðjum við um kennitölu við fyrstu skráningu. Kennitalan er eingöngu notuð til þessarar auðkenningar, er ekki vistuð í lesanlegu formi og fer ekki í umferð í appinu. Í staðinn er hún strax dulkóðuð og kerfið notar eingöngu það dulkóðaða auðkenni áfram.

Aðgangsstýringar: Aðgangur er aðeins veittur þeim sem nauðsynlega þurfa á gögnum að halda innan skóla.

Eftirlit: Reglulegar öryggisúttektir eru framkvæmdar til að tryggja rekjanleika og öryggi gagna.

Gögn eru geymd eins lengi og nauðsynlegt er til að uppfylla tilgang vinnslunnar nema lög krefjist annars. Þegar vinnslan er ekki lengur nauðsynleg er gögnum eytt í samræmi við lög og vinnslusamning.

Þú hefur rétt til:

Aðgangs: Beiðni um afrit af persónuupplýsingum þínum.

Leiðréttingar: Leiðrétta rangar eða ónákvæmar upplýsingar.

Eyðingu gagna: Óska eftir að upplýsingum verði eytt þegar þær eru ekki lengur nauðsynlegar.

Takmörkunar: Takmarka vinnslu í ákveðnum tilvikum.

Gagnaflutnings: Flytja persónuupplýsingar þínar til annars aðila ef það er tæknilega mögulegt.

Við deilum ekki persónuupplýsingum nemenda með þriðja aðila. Eina undantekningin gæti verið að sveitarfélagið fái aðgang að samantektum og heildartölfræði án þess að hægt sé að rekja gögnin til einstakra barna. Slíkar upplýsingar teljast ekki persónuupplýsingar þar sem ekki er unnt að auðkenna einstaklinga.

Forritið safnar ekki upplýsingum með vefkökum.

Persónuverndarstefna þessi kann að taka breytingum ef lög, reglur eða starfsemi forritsins breytist. Allar verulegar breytingar verða kynntar með tilkynningu í snjallforritinu áður en þær taka gildi.

Ef þú hefur einhverjar spurningar um þessa persónuverndarstefnu hafðu samband við okkur á skolalausnir@skolalausnir.is